Norðurhlíð Gígahnjúks árið 2007, fyrir frágang. (Ljósm. HF)
Norðurhlíð Gígahnjúks árið 2008. (Ljósm. HF)
Norðurhlíð Gígahnjúks eftir frágang. (Ljósm. HF)
Gjalli var dreift yfir námusvæðið til að líkja eftir náttúrulegri áferð og skapa góðar aðstæður fyrir staðargróður. (Ljósm. HF)
Suðurhlíð Gígahnjúks árið 2007, fyrir frágang. (Ljósm. HF)
Suðurhlíð Gígahnjúks árið 2008. (Ljósm. HF)
Suðurhlíð Gígahnjúks eftir frágang. Gamlar loftmyndir voru notaðar til að útbúa þrívíddarmódel af óskemmdum hnjúknum. Það var svo notað til að endurmóta yfirborðið í sem upprunalegastri mynd. (Ljósm. HF)
Mosi var tekinn af svæði sem raskaðist vegna Hellisheiðaræðar og notaður við frágang á Gígahnjúki. (Ljósm. HF)
Mosa var handdreift yfir námusvæðið við frágang þess. (Ljósm. HF)

Gígahnjúkur

Fast númer: 22612

Gamla námunúmer: 3010807

Gerð: Storkubergsnáma

Austur: 384373

Norður: 393967,5

Breidd: 64,02946364°N

Lengd: -21,365933°V

Gígahnjúkur er stærsti gígur Hellisheiðarhrauna. Þar var náma í fjölda ára áður en Orkuveita Reykjavíkur hóf framkvæmdir á Hellisheiði. Endurgerð gígaraðanna var hluti af mótvægisaðgerðum Orkuveitunnar á svæðinu. Endurgerðin hófst árið 2007 og lauk árið 2008.

Gamlar loftmyndir voru notaðar til að útbúa þrívíddarmódel af óskemmdum hnjúknum. Það var svo notað til að endurmóta yfirborðið í sem upprunalegastri mynd.

Um 35.000 rúmmetrar af efni sem féll til vegna framkvæmda á Hellisheiði voru notaðir til að fylla í hnjúkinn. Gjalli var svo dreift yfir til að líkja eftir náttúrulegri áferð og skapa góðar aðstæður fyrir staðargróður.

Sáð var í svæðið með grasfræblöndu og mosa handdreift yfir svæðið, en mosinn var tekinn af svæði sem raskaðist vegna Hellisheiðaræðar.

Ljósmyndir tók Herdís Friðriksdóttir (HF).

Gígahnjúkur

Forsíða

Stoðflokkar

Aukaval

Leita á vefnum